أنا ماشي/ سامح إيليا

أنا ماشي

سامح إيليا

خلاص يا دنيا ، أنا ماشي
مدام إنت عني مراضياشي
هالم حاجاتي ، دا كتاب حياتي
صفحاته حتى مبيناشي
خلاص يا دنيا أنا ماشي

عذابك لينا زاد عن حدك
وشهدك مرار في أوان ودك
تفرحينا في أول طلعه
وبعديها ياويل إللي يعاندك

حرام عليكي يا دنيا حرام
وحياة عنيكي شبعت ملام
ده العمر فيكي يا دنيا أيام
بننام ونصحى نقول يا سلام

لو تضحكي لينا يا دنيا
ما كنا بكينا ولا ثانيه

خلاص يا دنيا أنا ماشي
مدام إنت عني مراضياشي
هالم حاجاتي ، ده كتاب حياتي
صفحاته حتى ،،، مابيناشي
خلاص يا دنيا أنا ماشي

سامح إيليا