الرساله لم تصل بعد/ أسامه عبد القادر أحمد
الرساله لم تصل بعد
فيه ناس بتستغل الأزمه
علشان تسرق مية غيرها
وفيه ناس بتستغل الغمه
علشان تسرق أراضي بعينها
وفيه ناس بتستغل الموقف
علشان تسرق بترول عايزاه
وفيه ناس بتستغل الدين
علشان تقتل ناس مش متدينين
معاهم توكيل من ربنا
لجل مايقتلوا الناس التانيين
هي إيه الحكايه ؟
وفين ربنا من البدايه ؟
نسيتوا القوي الأعظم
هوه كل واحد قوي يفتري على غيره
يعني قوته هي السبب
واللي شبعان وواكل لقمه زياده
عايز يهضمها
على حساب اللي ملقاش لقمه ياكلها
يارب اضعف كل واحد قوي
بيجرب قوته على الناس ف.الأرض
واحرم الشبعان من لقمته لجل مايحس بغيره وكسرته ...
أسامه عبد القادر أحمد
تعليقات
إرسال تعليق